ڕۆژا دووشەمبێ، ١٩ـی کانوونا دویێ ٢٠٢٦ـێ، ب مەرەما دەستپێکرنا ”هەوا نیشتیمانی یا رووی ب روویبوونا مادێن هۆشبەر“ کو ژلایێ دەزگەهێ خێرخوازیی بارزانی هاتیە راگەهاندن، (پ.د. دیار عبدالکریم سعید) سەرۆکێ زانکۆیا زاخۆ، پێشوازی ل (د. رەوشت رەشید) ڕاوێژکارێ دەروونی یێ دەزگەهێ خێرخوازیی بارزانی و خانم کاژین بەرپرسا ”هەوا نیشتیمانی یا رووی ب روویبوونا مادێن هۆشبەر“ ل دهۆکێ، کر.
د ڕوینشتنەکێدا ب درێژی باس ل دەستپێکرنا "هەوا نیشتیمانی یا رووی ب روویبوونا مادێن هۆشبەر“ ل زانکۆیا زاخۆ هاتەکرن، کو د ئەڤێ هەوێ دا، دێ ل هەر کۆلیژەکا زانکۆیا زاخۆ ب ڕێکا سمینار و وۆرکشۆپ و بەلاڤکرنا نامیلکە و رێنماییا، دێ هەوا هشیارکرنێ ل دۆر خۆپاراستن و زەرەرێن دەروونی و جەستەیی و جڤاکی یێن مادێن هۆشبەر بۆ قوتابی و ماموستایێن زانکۆیا زاخۆ هێتەکرن.